വ്യക്തിപരമായ ആഘോഷത്തിന്റെ ഭാഗമായി ഹോട്ടലില് 40 പേര്ക്ക് ഭക്ഷണം ഏര്പ്പാടാക്കിയിരുന്നു. ചിക്കന് ബിരിയാണി, ബീഫ് ബിരിയാണി അല്ലെങ്കിൽ മീന്കറിയടക്കമുള്ള ഊണ് എന്നിവയായിരുന്നു വിഭവങ്ങള്. ആദ്യം 20 പേരുടെ സംഘം ഹോട്ടലിലെത്തി ഭക്ഷണം കഴിച്ചു മടങ്ങി. ഇതിനുശേഷം ബാക്കിയുള്ളവരും ഹോട്ടലിലെത്തി. ഇവരില് ചിലരാണ് ഹോട്ടല് ജീവനക്കാരോട് അയക്കൂറയും ചിക്കനും ആവശ്യപ്പെട്ടത്.
അയക്കൂറ ഇല്ലെന്നും അയല മതിയോ എന്നും ജീവനക്കാര് ചോദിച്ചു. ഇതോടെയാണ് ആവശ്യപ്പെട്ട വിഭവങ്ങൾ കിട്ടാത്തതിനാല് സംഘം പ്രകോപിതരായത്. തുടര്ന്ന് ഇവര് ബഹളം വയ്ക്കുകയും ഹോട്ടലിലെ മേശകളും കസേരകളും അടിച്ചുതകര്ക്കുക യുമായിരുന്നു. സംഘര്ഷമുണ്ടാക്കിയ സംഘം ഹോട്ടല് ജീവനക്കാരെ മര്ദിച്ചു. പരുക്കേറ്റ 10 ജീവനക്കാരെ ആശുപത്രിയില് പ്രവേശിപ്പിച്ചു. ആക്രമണ വിവരം അറിഞ്ഞു സ്ഥലത്ത് എത്തിയ പൊലീസിനു നേരെയും സംഘം തട്ടിക്കയറി. നാലുപേരെ ബാലുശ്ശേരി പൊലീസ് കസ്റ്റഡിയിലെടുത്തിട്ടുണ്ട്.
Post a Comment